XXI Trofeo de pesca Cidade de Narón.

Terá lugar o domingo día 17 de Maio no couto troiteiro de Xuvia, conveniado coa Consellería de Medioambiente por parte desta sociedade.

Este trofeo conta có patrocinio do Padroado de Deportes do Concello de Narón, así como da tenda de pesca Mar da Xoyba da Gándara.

O campionato de pesca está organizado pola Sociedade de Caza e Pesca Xuvia e será a modalidade e cebo libre, iniciándose ás 7:30 h coa concentración dos pescadores no Bar Os Rubios da Mourela-Neda, e finalizando coa presentación das capturas ás 13:30 h no local social desta sociedade sito en Cerdeiras-Narón .

Despois desta desplazarémonos á Feira do Trece onxe se xantará e se fará a entrega de premios conxuntamente cós participantes nos Torneo de caza modalidade San Huberto e Torneo de Rastro Xabarín, que se celebran o mesmo día na zona de prácticas cinexéticas de Monte de Nenos (Sedes).

Agárdase a participación dun total de 30 canas, que é o cupo de pescadores permitidos no couto troiteiro de Xuvia.

Quedo á vosa disposición neste mail e no tel 687717158 , para cantas aclaracións precisedes.

Un saudo

ELOI SAAVEDRA VIDAL/PRESIDENTE DE SOCIEDADE DE CAZA E PESCA XUVIA